Nadugangan ang gamit sa Salug District Jail human sa pagturn over sa 12 ka lingkuranan nga gitumong aron mapauswag ang kahimtang ug kahapsay sa mga pasilidad nga ginagamit sa Persons Deprived of Liberty (PDL), ilabina sa ilang adlaw-adlaw nga kalihokan ug serbisyo sulod sa jail.
Ang maong donasyon gikan kang Congressman Adrian “Ian” Amatong nga gitugyan pinaagi ni Mayor Ruth M. Brillantes isip kabahin sa paningkamot nga masuportahan ang operational needs sa pasilidad ug mapauswag ang kondisyon sa pagdumala sa PDL.
Gidawat ang mga lingkuranan sa Salug District Jail ubos sa pagdumala ni Acting Jail Warden JSINSP Rolly L. Paner.
Kini nga mga lingkuranan gilauman nga makatabang sa mas organisado nga pagdumala sa mga aktibidad ug programa sa PDL, nga naglakip sa mga pagtigom, counseling, ug ubang serbisyo sulod sa pasilidad, isip kabahin sa padayon nga pagpaayo sa correctional environment.(IKEN B. GULLEM)
Source: Salug District Jail-BJMP R9