Gipahinumdoman ang katawhan sa kahinungdanon sa pagtipig sa tubig samtang malampusong gihimo ang Run for Water Marathon 2026 (Kids Edition) sa Dipolog City Boulevard niadtong Mayo 2, 2026.
Gipangunahan sa Dipolog City Water District kauban ang City Government of Dipolog ug lain-laing mga sponsors, ang kalihukan nagtigom sa mga kabataan gikan sa nagkalain-laing barangay sa siyudad.
Kini nga aktibidad naghatag og pokus sa kampanya sa water conservation samtang gi-awhag ang mga kabataan sa pag-apil sa mga aktibo ug himsog nga kalihokan pinaagi sa pagdagan.
Dungan sa event, nabati ang lig-on nga suporta gikan sa mga ginikanan, organizers, ug mga nanan-aw nga nakig-uban sa adbokasiya alang sa limpyo, sapat, ug luwas nga tubig alang sa komunidad.(IKEN B. GULLEM)
Source: Dipolog City Government