Balhog na karon sa prisohan ang usa ka 32 anyos nga wanted sa kasong paglapas sa Republic Act 11930 pinaagi sa pagserbi sa warrant of arrest niadtong Hulyo 30, 2026, sa alas 3:45 sa hapon, sa Dapitan City District Jail sa Lawaan, Banonong, Dapitan City, Zamboanga del Norte.
Ang dinakpan nga wanted person naila nga lalaki ,Top 1 Most Wanted person Municipal ug City Level, gidakop pinaagi sa mga personahe sa Dapitan City Police Station (CPS) alang sa kasong paglapas sa Section 4, lakip ang mga paragraph (a) ug (c), sa Republic Act No. 11930, o ang Anti-Online Sexual Abuse or Exploitation of Children (OSAEC) ug Anti-Child Sexual Abuse or Exploitation Materials (CSAEM) Act, ubos sa Criminal Case Nos. 26-083 ug 26-084.
Ang mga warrant of arrest gi-isyu sa Regional Trial Court, 9th Judicial Region, Branch 4, Family Court, Dapitan City, Zamboanga del Norte, nga gipetsahan og Hulyo 10, 2026, nga adunay girekomendar nga piyansa nga P72,000.00.
Ang dinakpan anaa na sa kustodiya sa Dapitan City District Jail alang sa hustong disposisyon ug angay nga proseso sa korte.(MEDALYN U. BORJA)
Source: ZNPPO