Misangpot sa pagka-areto ang gihimong pagpanghulga sa usa ka lalaki ngadto sa usa ka babaye homan kini gireport ngadto sa kapulisan niadtong Hulyo 29, 2026, mga alas 9:35 sa gabii, Purok Narra, Barangay Poblacion Alto, Sergio Osmeña, Zamboanga del Norte.
Naila ang suspek nga usa ka 53 anyos nga lalaki kinsa nanghulga sa usa ka 39 anyos nga babayeng biktima.
Nasayan nga mga alas 9:37 sa gabii, ang babayeng biktima ang mikontak sa Sergio Osmeña MPS aron ireport ang gihimong pagpanghulga sa suspek sa pagpatay ka niya nga usa ka paglapas sa Republic Act No. 9262, o ang Anti-Violence Against Women and Their Children Act of 2004.
Homan sa maong report gilayon kining girespondehan sa mga personahe sa Sergio Osmeña Municipal Police Station (MPS) ug nagpadala gilayon og Sector Patroller ug usa ka imbestigador sa Women and Children Protection Desk (WCPD) aron mapamatud-an ang report.
Ang mga mirespondeng personnel miabot mga alas 9:40 sa gabii, nga naka-record og tulo ka minuto nga oras sa pagresponde, ug malampusong nadakpan ang suspek.
Sa inisyal nga imbestigasyon nagbutyag nga ang suspek giingong miabot sa balay sa biktima nga hubog ug nasuko, nangayo sa iyang mga gamit, ug gibunalan ang bungbong sa balay.
Giingong gimandoan niya ang biktima nga ablihan ang pultahan ug gihulga nga dugmokon kini gamit ang hait nga hinagiban kon mobalibad kini.
Dugang pang gihulga sa suspek ang biktima ug ang mga tawo sa sulod sa balay, nga nakahatag og kahadlok ug kaguol sa biktima ug sa iyang mga anak.
Human sa pagkadakop, gipahibalo ang suspek sa hinungdan sa iyang pagkadakop ug mga katungod sa konstitusyon ug gidala dayon sa Sergio Osmeña Infirmary Hospital alang sa medikal nga eksaminasyon.
Ang suspek anaa karon sa kustodiya sa Sergio Osmeña MPS, samtang ang imbestigador nag-andam sa mga gikinahanglan nga dokumento alang sa pagpasaka sa kaso sa korte.(MEDALYN U. BORJA)
Source: ZNPPO