Pinaagi sa usa ka Sports Festival, opisyal nga gilunsad sa Zamboanga del Norte Police Provincial Office (ZNPPO) ang selebrasyon sa National Women’s Month 2026 sa Sicayab, Dipolog City, uban sa partisipasyon sa mga babayeng kapulisan gikan sa 1st District ug sa 2nd ug 3rd District lakip ang Provincial Mobile Force Companies.
Ang kalihokan nagpakita sa lig-on nga panaghiusa sa kapulisan sa probinsya, diin pinaagi sa lain-laing sports activities ug friendly competition, gipasiugda ang kusog, disiplina, ug teamwork sa kababayen-an, samtang gipalig-on usab ang camaraderie tali sa mga personnel.
Matud pa sa ZNPPO, ang inisyatiba nagpadayag sa ilang padayon nga suporta sa gender equality ug sa pagpalig-on sa papel sa kababayen-an sulod sa law enforcement.
Samtang, ang Sports Festival maoy nagsilbing opisyal nga pagsugod sa serye sa mga kalihokan alang sa Women’s Month celebration karong tuiga.(IKEN B. GULLEM)
Source: Zamboanga del Norte Police Provincial Office