Nadakpan ang upat ka indibidwal sa nagkadaiyang buy-bust operation nga gihimo sa kapulisan sa Station 6 sa Cebu City Police Office (CCPO) karong Marso 28, 2026 sa Barangay Calamba, Cebu City.
Gipangulohan ang operasyon ni Police Captain Giann Karlo M. Reyes, diin nasikop ang mga suspetsado sa nagkalain-laing oras ug lugar. Nakit-an sa ilang posesyon ang gagmay nga plastic sachet nga adunay puti nga kristal nga substansya nga gituohang shabu.
Ang kinatibuk-ang gibug-aton sa narekober nga ilegal nga drogas kay mokabat og 0.46 gramos nga adunay gibanabang kantidad nga ₱3,128.
Gisiguro sa kapulisan nga ang tanang ebidensya nahimo sa husto nga naimbentaryo ug napadala sa Regional Forensic Unit 7 alang sa eksaminasyon.
Sa pagkakaron, gitanggong ang mga nadakpan sa Station 6 samtang giandam ang kaso batok kanila tungod sa paglapas sa Comprehensive Dangerous Drugs Act o R.A. 9165.
Matud sa CCPO, padayon ang ilang kampanya batok sa ilegal nga drogas aron mapanalipdan ang kaluwasan sa komunidad.
Source: CCPO
I via Renante Socia Lada