Nakadawat og mga school supplies, uniporme, sapatos, bag ug health kits ang mga estudyante sa Linabo Elementary School atol sa outreach activity nga gipahigayon sa Zamboanga del Norte Police Provincial Office o ZNPPO.
Gipangulohan ni PCOL Reydante Ariza ang maong kalihokan nga naglakip usab sa feeding program aron masuportahan ang edukasyon ug panglawas sa mga kabataan sa eskwelahan.
Sumala sa Linabo Elementary School, dako ang natabang sa inisyatiba sa pagdasig sa mga estudyante sa pagpadayon sa ilang pag-eskwela ug paghatag kanila og dugang kadasig sa pagtuon.
Gipasalamatan sa administrasyon sa eskwelahan ang ZNPPO, si PCOL Ariza, ug ang tanang kapulisan ug mga kaabag nga mitampo sa kalampusan sa outreach activity nga naghatag og tabang ug paglaom sa mga magtutungha.(JENIFFER JR. DELICA)
Source: Zanorte News Flash