Nagkahiusa sa paglig-on sa panagtambayayong alang sa kalamboan sila Mayor Glona Labadlabad ug Hon. Peve Obaniana Ligan, Mayor sa Santa Catalina, Negros Oriental, atol sa usa ka courtesy call nga nakapunting sa pagpalambo sa pantalan ug sa pagpalig-on sa kooperasyon tali sa ilang tagsa-tagsa ka lokal nga pangagamhanan.
Nahimong higayon ang panagtagbo sa pagbinayloay og mga ideya, kasinatian, ug labing maayong mga pamaagi nga makatampo sa pagpauswag sa koneksyon, pagdasig sa lokal nga ekonomiya, ug pagmugna og dugang nga mga oportunidad alang sa ilang mga komunidad.
Isip timaan sa panaghigalaay ug pagtinahuray, gihatagan ni Mayor Ligan si Mayor Glona og mga banana chips nga produkto sa Santa Catalina ug usa ka Barbie-themed nga token. Ang maong mga handumanan nagsimbolo sa lig-on nga relasyon ug padayon nga panagtambayayong tali sa duha ka mga lokal nga pangagamhanan sa pagpalambo sa ilang tagsa-tagsa ka lungsod.(IKEN B. GULLEM)
Source: Municipality of Sindangan