Mopahigayon og Blood Letting Activity ang mga Personahe sa Zamboanga Del Norte Provincial Police Office (ZNPPO) nga ipahigayon didto mismo sa Conference Room sa nasangpit Pasilidad, nga atua nahimotang sa Camp Lt. Deogracias P Hamac, sa Barangay Sicayab ning Dakbayan sa Dipolog, karong umalabot Hulyo 10, 2025 sugod sa may alas 8:00 sa buntag.
Base sa Impormasyon nga gibutyag gikan sa nahisgutang Buhatan, nga ang maong Aktibidad, konektado sa ilang paghandom sa Selebrasyon sa Police Community Relation Month (PCR) Month. Samtang sa pagka petsa 11, ning bulan sa Hulyo ning maong Tuig, mopahigayon usab og Medical Outreach Program ang mga Personahe sa ZNPPO, didto sa Barangay La Union, Lungsod sa La Libertad, ning Probinsya sa Zamboanga del Norte.
Tungod niini, giawhagan ang mga katawhan nga salmutan kining maong Aktidad, nga may dakong kalabutan, kabahin sa maayong pangluwas sa matag indibidwal, diin matud pa, nga doble ang mamahimong benepisyo niini sa matag tawo nga mo Donate sa ilang Dugo, tungod kay mobag-o man ang maglatay nga Dugo sa atong mga kaugatan ug makatabang usab kita, ngadto sa mga nanginahanglan og Dugo.
Pahimangno sa mga Kapulisan ngadto sa mga gustong mag Donate sa ilang Dugo, nga sa sayo palang nga daan, inyo ng mapasa ang inyong intent form ngadto kanila, aron walay mamahimong motumaw nga mga kakulian.(Julius Esmade)