Nakasakmit og mokabat sa 11.5 gramos sa gituohang Iligal nga Drogang Shabu ang mga kapulisan sa pipila ka Police Station nga sakop sa Zamboanga Del norte Provincial Police Office (ZNPPO), tungod sa ilang gipahigayon nga 7 ka managlahing operasyon niining semanaha sa bulan sa Hulyo, 2025.
Gibutyag sa buhatan sa ZNPPO, nga gipangunahan ni Pcol. Jimmy M Laguyo, ang Provincial Director sa mga kapulisan ning maong Probinsiya, nga mokabat ngadto sa Php78,200.00 ang kinatibuk-ang kantidad sa gituohang Iligal nga Drogang Shabu ang ilang nakumpiska sa 7 ka operasyon nga napahigayon sa mga kapulisan ning maong Probinsiya, base sa Standard Drug Price (SDP) niini.
Atua na ubos sa kustodiya sa matag Police Station ang mga nasikop nga mga Suspetsadong nagpayuhot og Iligal nga Drogang Shabu, alang sa pagpasaka og tukmang kaso ngadto sa korte, nga maykalabutan sa pagsupak sa Republic Act 9165 kon Comprehensive Dangerous Drug Act of 2002.
Samtang ang mga nakumpiskang Iligal nga Drogas atua na gipadala sa Zamboanga Del Norte Provincial Forensic Unit (ZNPFU) alang na sa Qualitative ug Quantitative nga Eksaminasyon. (Julius Esmade)