Mipahigayon og Courtesy Call ang Officer In-charge (OIC) sa Dapitan City Police Station, pinaagi ni Pltcol. Eva Joy E Capurcos ngadto sa buhatan sa City Prosecutor sa nasangpit nga Dakbayan, pinaagi ni Atty.Lynbert Lo, niadtong nakalabay’ng adlaw, Hulyo 15, 2025 sa may alas 4:50 sa hapon.
Atol sa pagbisita sa nasangpit nga OIC Chief sa Dapitan City Police Station, atua usab sa maong higayon si Atty. Paula Bianca B. Eguia, ang Assistant Prosecutor sa nahisgutang Syudad, diin ang tumong sa gibuhat nga bisita ni Pltcol. Capurcos sa naasoy nga buhatan, aron iyang ipadangat ang iyang mensahe ngadto mismo ni City Prosecutor Atty. Lo, nga ang iyang Supporta sa mga Programa sa Gobyerno, magpabiling lig-on ug iyang gipasalig ang lig-on usab nga partnership sa Pnp Dapitan tali sa naasoy nga buhatan.
Gibuhat ni Pltcol. Capurcos ang mga pagbisita sa mga Pampublikong buhatan nga sakop sa Dakbayan sa Dapitan, isip bag-ong Bepe sa Dapitan City Police Station, aron iyang masayran ang mga angay’ng hatagan og dakong pagtagad nga mga panginahanglan, ilabina ang maykabutan sa Kahapsay og Kalinaw sa tibuok bahin sa Dakbayan sa Dapitan.(Julius Esmade)