Ipahigayon dinhi sa Dakbayan sa Dipolog ang Pre-screening and Registration para sa Officer Candidate Course (OCC) ug Candidate Soldier Course ( CSC), maingon man ang Information Drive, diin ang Army Recruitment Office Mindanao ang mopahigayon niini, didto sa ROTC Unit-College Park, sa Andres Bonifacio College, Miputak, ning Dakbayan sa Dipolog, Probinsiya sa Zamboanga Del Norte, Hulyo 17, 2025, sugod sa alas 8:00 sa buntag, ngadto sa alas 3:00 sa hapon.
Sa mga interisadong mo apply niini, ayaw ninyo pag-osiki kining maong kahigayonan, nga mamahimong bahin sa Armadong Puwersa ning atong nasud ug magsugod sa usa ka biyahe sa serbisyo, liderato, ug dungog. Alang niadtong mga Fresh Graduates nga wala pa makakuha sa ilang mga Diploma o kaha Transcript of Record (TOR), inyo nalang dal-on ang inyong Graduation Certifacate, aron maoy inyong ipakita sa inyong pag-apply.
Pahimangno gikan mismo sa Army Recruitment Office Mindanao, nga walay bayad ang inyong buhaton nga pag-apply, ug kon duna may mibuhat niini, nga nangulekta og bayad diha kaninyo, kana sila dili bahin sa nahisgutang Army Recruitment Office dinhi sa Mindanao, ug aron nga inyong mapiho nga lehitimo kining maong pag-anunsyo, inyo kining makita sa Official Aro Mindanao Page.(Julius Esmade)