Gisugdan ang bulan sa Enero 2026 sa Zamboanga del Norte Police Provincial Office pinaagi sa First Friday Mass nga gitambongan ni PCOL Jimmy M. Laguyo, Provincial Director, uban ang mga personnel sa ZN PHQ.
Ang Balaang Misa gipahigayon sa St. Jude Thaddeus Chapel, ZNPPO ug gipangulohan ni Rev. Fr. Gregorio M. Baga, Assistant Parish Priest sa St. Neumann Parish Church, Sicayab, Dipolog City.
Ang maong binulanong espirituhanong kalihokan nagpasiugda sa PNP Core Value nga “Makadiyos,” diin gipahinumdoman ang tanan sa importansya sa pagtuo isip tinubdan sa kusog, giya, ug inspirasyon sa pagpadayon sa ilang mga katungdanan nga may integridad, kalooy, ug tinuoray nga dedikasyon sa pag-alagad sa publiko.(IKEN B. GULLEM)
Source: Zamboanga del Norte Police Provincial Office