Miresponde dayun ang Bureau of Fire Protection Dipolog City Fire Station sa usa ka vehicular accident nga nahitabo niadtong Enero 04, 2026 sa Barangay Olingan, Dipolog City.
Ang response gipangulohan ni Fire Senior Inspector Aprilyn B. Barbaso pinaagi sa BFP Ambulance Shift A. Sa alas onse baynte dos sa buntag, nasuta nga ang biktima una nang gidala sa police station sakay sa patrol car, hinungdan nga didto na padulong ang fire responders. Pag-abot sa alas onse traynta tres, gisul-ob ang hustong personal protective equipment ug gihimo ang head-to-toe assessment sa pasyente.
Ang biktima nakit-an nga anaa ra sa panimuot, makasulti, og makalakaw ra pero adunay mga galos sa tuo nga kamot ug dughan. Gihatagan kini og first aid ug hustong wound dressing, apan mibalibad sa transportasyon. Usa ka persona ang nasamdan ug walay naitalang namatay sa maong insidente.(JENIFFER JR. DELICA)