Bisan Valentine’s Day niadtong Pebrero 14, 2026, nagpadayon sa ilang katungdanan ang medical team sa Zamboanga del Norte Medical Center sa Dipolog City pinaagi sa follow-up checkups alang sa OB patients ubos sa free medical mission. Ang konsultasyon gipangunahan ni Dr. Dino James Abong.
Imbis nga selebrasyon, gipili sa mga health workers ang pagserbisyo aron masiguro ang padayon nga pag-atiman sa mga pasyente, ilabi na kadtong walay ikagasto sa medikal nga panginahanglan. Ang kalihokan kabahin sa libreng serbisyong medikal nga gisuportahan sa probinsyal nga pangagamhanan.
Gipasalamatan usab ang suporta ni Governor Darel Uy sa paghatag prayoridad sa panglawas sa mga ZaNortehanon, ilabi na sa mga kabus nga pamilya nga nanginahanglan og atensyong medikal.
Giila sab ang liderato ni Herdina Gallegos, Head sa Medical Team, ug ni Dr. Esmeralda Nadela, Hospital Administrator sa ZNMC, kauban ang tibuok medical team nga nagpakita nga ang tinuod nga gugma makita sa matinud-anong pagserbisyo sa komunidad.(JENIFFER JR. DELICA)
Source: Zamboanga del Norte Medical Team