Gisaulog sa Salug District Jail ang Valentine’s Day pinaagi sa usa ka rose-giving activity alang sa mga babayeng personnel ug female persons deprived of liberty sulod sa pasilidad. Ang kalihokan gipangunahan ni JCINSP Samuel A. Nasiad, Jail Warden.
Tumong sa inisyatibo ang pagpakita og apresasyon ug pag-ila sa papel sa kababayen-an sa serbisyo publiko ug sa komunidad. Pinaagi sa paghatag og rosas, gipadayag ang mensahe sa respeto ug pagpasalamat sa ilang kontribusyon.
Sumala sa pamunuan sa pasilidad, ang simpleng lihok nagdala og positibong epekto sa kahimtangan sa sulod sa jail pinaagi sa pagpalig-on sa kultura sa pagtinahuray ug pag-inklusibo.
Ang maong selebrasyon nagpakita nga bisan sulod sa correctional facility, posible ang pagpalambo sa maayong relasyon ug paghatag bili sa matag indibidwal.(JENIFFER JR. DELICA)
Source: Salug District Jail- BJMPR9