Gipakusog sa Godod Municipal Police Station ang presensya sa kapulisan sa Barangay Rambon, Godod, Zamboanga del Norte pinaagi sa Strong Police Presence operation ubos sa liderato ni PCPT Harley June B. Mejorada, OIC. Nakigtambayayong sa kalihokan ang 2nd ZNPMFC, 97th Infantry Battalion sa Philippine Army, ug Godod MDRRMO.
Atol sa operasyon, gihisgutan sa nagkahiusang ahensya ang epekto sa iligal nga droga, crime scene first responder procedures, mga kaso ubos sa Katarungang Pambarangay, ug uban pang isyu sa kalinaw ug kahapsay. Naghimo usab og information drive pinaagi sa pagpanghatag og flyers aron mapataas ang kahibalo sa mga residente.
Bunga sa kampanya batok sa loose firearms, boluntaryong gisurender sa usa ka residente ang usa ka improvised shotgun nga walay serial number, marking, ug ammunition.
Sumala sa kapulisan, ang maong kalihokan kabahin sa padayon nga paningkamot sa pagbatok sa tanang porma sa kriminalidad ug pagpalig-on sa kaluwasan sa komunidad.(JENIFFER JR. DELICA)
Source: Godod Municipal Police Station ZNPPO