Nagbisita ang Zamboanga del Norte Medical Center Medical Team sa Southwestern University Medical Center sa Cebu City niadtong Marso 13 aron personal nga kumustahon ang mga pasyente gikan sa probinsya nga nagpailalom og pagtambal sa maong ospital.
Gipangunahan ni Herdina Gallegos ang medical team kauban si Nurse Joel Rey Carcasona ug ambulance driver Clyde Giangan aron masiguro nga padayon nga makadawat og hustong pag-atiman, giya, ug suporta ang mga pasyente bisan naa sila sa partner medical institutions gawas sa probinsya.
Sa maong pagbisita, gi-facilitate usab sa team ang luwas nga pagbalik sa usa ka pasyente gikan sa Cebu padulong sa Zamboanga del Norte aron masiguro ang hapsay ug luwas nga biyahe pauli sa probinsya.
Nagpasalamat usab ang medical team sa suporta ni Governor Darel Uy sa pagpadayon sa mga serbisyo nga nagdala og mas duol nga healthcare sa katawhan sa probinsya.(JENIFFER JR. DELICA)
Source: Zamboanga del Norte Medical Team