Nagpahigayon og gift-giving activity ang mga personnel sa Bureau of Fire Protection 3rd District sa Zamboanga del Norte sa Salug District Jail isip kabahin sa ilang batch anniversary advocacy nga “Act of Kindness” ug sa selebrasyon sa International Women’s Month.
Gipangunahan ang kalihokan ni JSINSP Rolly L. Paner, Acting Jail Warden, diin lima ka babayeng Persons Deprived of Liberty ang nakadawat og hygiene kits, toiletries, ug biscuits isip tabang ug pag-atiman sulod sa pasilidad.
Sumala sa Salug District Jail, ang maong kalihokan nagpakita sa pagpakabana ug suporta sa kababayen-an nga anaa sa kustodiya sa pasilidad.
Nagpasalamat usab ang Salug District Jail sa mga personnel sa Bureau of Fire Protection sa pagpili sa maong pasilidad isip benepisyaryo sa ilang outreach activity.(JENIFFER JR. DELICA)
Source: Salug District Jail- BJMPR9