Nagpahigayon og ceremonial blessing ug turnover sa barangay service vehicles ang Lokal nga Panggamhanan sa Rizal, Zamboanga del Norte niadtong Marso 13, nga gipangunahan ni Mayor Marissa D. Manigsaca.
Gisuportahan sa Provincial Government of Zamboanga del Norte ubos sa liderato ni Governor Darel Dexter T. Uy ang maong proyekto aron mapalig-on ang paghatag og mga batakang serbisyo sa barangay.
Mitambong usab sa kalihokan si Vice Mayor Jose Salac, mga miyembro sa Sangguniang Bayan, barangay captains, ug uban pang lokal nga opisyal nga misaksi sa turnover.
Sa kinatibuk-an, 12 ka barangay ang nakadawat og service vehicles lakip ang Sebaca, Mabunao, Balubohan, Nangca, Nilabo, Damasing, La Esperanza, Rizalina, Mitimos, Sipaon, South Mapang, ug Nangcaan aron mapaspas ang paghatag og serbisyo sa komunidad.(JENIFFER JR. DELICA)
Source: Municipality of Rizal