Nagpahigayon og dayalogo ang Zamboanga del Norte 2nd Provincial Mobile Force Company (PMFC) R-PSB Team uban sa Cocob ALSA MASA Farmer’s Association sa Barangay Cocob, Gutalac niadtong Hunyo 28 aron hisgutan ang mga isyu, kahimtang, ug panginahanglan sa asosasyon.
Human sa panagtigom, gipadayon usab sa kapulisan ang ikaduhang hugna sa pagpang-apod ug pagpatanom og Lakatan banana seedlings isip kabahin sa pagpalig-on sa panginabuhian ug produksyon sa mga mag-uuma sa barangay.
Sumala sa PMFC, ang maong inisyatiba nagtumong sa paglig-on sa panag-uban tali sa kapulisan ug komunidad pinaagi sa bukas nga komunikasyon ug hiniusang pagsulbad sa mga lokal nga isyu, samtang gipasiugda usab ang malungtarong panguma ug seguridad sa pagkaon.
Gilauman nga pinaagi sa maong programa, madugangan ang panginabuhian sa mga mag-uuma ug mapalig-on pa ang kooperasyon tali sa mga awtoridad ug sektor sa agrikultura alang sa padayong kalamboan sa Gutalac.(JENIFFER JR. DELICA)
Source: PNP Zamboanga del Norte 2nd PMFC