Midali og responde ang EMS personnel sa Labason Municipal Fire Station ngadto sa Barangay Lawigan, Labason, Zamboanga del Norte human madawat ang tawag bahin sa usa ka pasyenteng nakasinati og grabeng kalisod sa pagginhawa.
Pag-abot sa lugar, ilang nasuta nga ang pasyente adunay panimuot apan huyang ug naglisod sa pagginhawa. Aron mapalig-on dayon ang kahimtang niini, gipakalma ang pasyente ug gihatagan dayon og oxygen therapy pinaagi sa nasal cannula samtang padayon nga gimonitor sa mga responder.
Human sa inisyal nga pag-atiman, gipadayon sa BFP personnel ang pagmonitor sa kondisyon sa pasyente aron masiguro ang kaluwasan niini atol sa transportasyon.
Dayon nga gidala ang pasyente sa Labason District Hospital alang sa dugang medikal nga eksaminasyon ug tukmang pagtambal, nga nagpakita sa paspas ug episyenteng pagtubag sa BFP Labason sa mga emerhensiyang medikal.(JENIFFER JR. DELICA)