Mainiton nga gidawat ni Dipolog City Mayor Roberto Y. Uy ang mga atleta ug opisyal sa Zamboanga del Norte–Dipolog City–Dapitan City Athletic Association (ZANDIDAA) atol sa ilang courtesy visit sa City Mayor’s Office niadtong Mayo 12, 2026 isip kabahin sa ilang final preparations alang sa Palarong Pambansa 2026.
Giubanan ang delegasyon nila DepEd Dipolog City Schools Division Superintendent Dr. Ma. Liza R. Tabilon, City Planning and Development Coordinator Engr. Albert S. Alimpulos, ug Youth Sports Development Council Chair Chandler O. Ruiz.
Atol sa panagtagbo, ilang gihisgutan ang kahimtang sa preparasyon sa mga atleta alang sa nasudnong sports event nga pagahimoon sa Prosperidad, Agusan del Sur gikan Mayo 24 hangtod 31, 2026.
Nagpakita usab ang maong pagbisita sa lig-on nga suporta sa lokal nga gobyerno ug mga education ug sports officials sa paghulma sa kabatan-onang atleta.(IKEN B. GULLEM)
Source: Dipolog City Government