Gipalig-on sa Provincial Disaster Risk Reduction and Management Council ang koordinasyon ug pagpangandam batok kalamidad atol sa ilang 1st Quarter meeting, Marso 31 sa Top Plaza Hotel dinhi sa siyudad sa Dipolog.
Gipangulohan ni Governor Darel Uy ang tigum uban sa mga opisyal ug ahensya, diin gipresentar sa PAGASA ang weather ug climate outlook aron magamit sa tukmang pagplano ug paglikay sa posibleng risgo sa probinsya.
Gihisgutan usab ang contingency measures ilawom sa state of energy emergency, samtang giandam ang OPLAN Semana Santa 2026 aron maseguro ang kaluwasan sa publiko panahon sa holiday.
Gipasiugda sa konseho ang padayon nga pagpalig-on sa kapasidad sa mga responder ug komunidad pinaagi sa training, youth programs, ug mga proyekto batok baha, aron masiguro ang andam ug organisadong pag-atubang sa bisan unsang kalamidad.(JENIFFER JR. DELICA)
Source: Zamboanga del Norte Provincial News Network