Ang Zamboanga del Norte mao lamang ang nag-inusarang lalawigan sa Zamboanga Peninsula Region nga misuporta sa panginahanglan ug naghatag ug tabang-pinansyal sa Balay Dalangpan sa Kabataan nga nahimutang sa Barangay Anastacio, Polanco, Zamboanga del Norte.
Kini ang gibutyag ni Ms. Eva Avila, Social Welfare Officer IV, Center Head sa BDSK atol sa kasaulogan sa Family Day niadtong miaging adlaw.
Ang Family Week celebration karong tuiga, nagdala sa temang,” Pamilyang Pilipino: Pagtugon sa Pagbabagong Pananaw at Panahon.”
Wala man gibutyag ni Ms. Avila kon pila ang tukmang kantidad nga gilugway sa Kagamhanang-Probinsyal sa BDSK.
Matod pa ni Ms. Avila, kadaghanan sa mga residente sa BDSK, biktima sa pagpanglugos kon rape sa mga tawong ila ra usab nga kadugo, sama sa amahan, igsoon, ig-agaw ug mga uyoan.
Sa kasamtangan, ang BDSK mao ang temporaryong pinuy-anan sa 43 ka mga batan-ong babayeng residente gikan sa nagkalain-laing lalawigan sa Zamboanga Peninsula Region.
(Source: Provincial Information Center ZaNorte Facebook page)