Nikabat sa 18 ka mga balay naigo sa sunog didto sa Sitio Tevel Villagonzalo, Barangay Tejero, siyudad sa Sugbo, pasado 1:00 kagahapon sa hapon, Septembre 28, 2023.
Samtang niabot usab sa 35 ka mga pamilya ug 150 ka mga individuals ang direktang naapiktuhan sa maong sunog na nidanyos og P1.8 milyon.
Basi sa kabomberohan sa siyudad sa Sugbo niulbo ang sunog pasado 1:42 sa hapon ug gisaka kini ngadto sa ikaduha nga alarma pagka 1:53 ug na fire-out pagka 2:09.
Sa inbestigasyon sa kabomberohan gituhuan nga usa ka babaye nga adunay deperensya sa pangisip ang posibli nga maoy nihimo sa maong sunog. (Renante Socia Lada)