Gipahigayon kagahapon, Agosto 19 sa Central Hall sa Capitol Building ang unang adlaw sa duha ka adlaw nga Youth Development Alliance Organizational Capacity Assessment Training, nga gitambongan sa mga representante sa nagkalain-laing ahensya ug organisasyon sa Zamboanga del Norte, uban sa suporta sa Provincial Government ubos sa pagpangulo ni Governor Darel Dexter T. Uy.
Mitambong sa maong training ang mga representante gikan sa Armed Forces of the Philippines, Provincial Population and Development Office, ChildFund, Provincial Social Welfare and Development Office, ALTEC, JRMSU, Department of Trade and Industry, Provincial Disaster Risk Reduction and Management Office, Bureau of Jail Management and Penology, Department of Information and Communications Technology, Department of Labor and Employment, Technical Education and Skills Development Authority ug Department of Education-Zamboanga del Norte, uban pa.
Pinaagi sa training, gipalig-on ang kapasidad sa mga organisasyon sa pagplano ug pagpatuman sa mga programa nga motubag sa panginahanglan sa kabatan-onan ug komunidad. Gipangulohan ni John Paul Santos ang unang sesyon nga naglakip sa referral simulations aron masulayan ang mga mekanismo ug sistema sa pagdumala sa mga posibleng sitwasyon sa aktuwal nga operasyon.
Aktibong miapil ang mga partisipante sa mga workshop ug exercises isip pagpangandam sa mas epektibong pagserbisyo sa kabatan-onan. Ipadayon ang training sa Agosto 20 alang sa dugang nga mga sesyon sa pagpalig-on sa organizational capacity ug pakigtambayayong alang sa malungtarong youth development sa Zamboanga del Norte.(JENIFFER JR. DELICA)
Source: Zamboanga del Norte Provincial News Network