Mipaduol na sa pagpatuman ang proposed ₱109-milyon nga Potable Water System Level II Project sa La Libertad human gipahigayon ang Subproject Appraisal Review niadtong Agosto 18 isip kabahin sa Department of Agriculture–Philippine Rural Development Project Scale-Up Program.
Giila ang La Libertad isip usa sa mga Very High Priority areas ubos sa maong programa tungod sa taas nga poverty incidence ug sa pagkawala niini og naaprubahang DA-PRDP infrastructure project sukad 2014. Ang proposed water system gitumong nga makahatag og mas maayong access sa potable water sa lima ka barangay—La Victoria, Santa Catalina, Poblacion, Mauswagon ug La Union.
Naglakip ang proyekto sa pag-instalar og 244 ka tap stands nga gikatakdang moserbisyo sa gibana-banang 1,309 ka panimalay. Sa resulta sa appraisal review, 91 porsyento na ang nakompleto sa subproject, samtang pipila na lamang ka compliance requirements ubos sa Social and Environmental Safeguards ang gikinahanglang matuman.
Kung makompleto ang nahibiling requirements, gilauman nga i-endorse ang proyekto alang sa deliberasyon ug pag-apruba sa Regional Project Advisory Board sa Septyembre. Ang pag-apruba niini mag-andam sa proyekto alang sa funding allocation ug pagpatuman, nga gilauman makahatag og limpyo ug kasaligan nga tinubdan sa tubig sa mga residente sa La Libertad.(JENIFFER JR. DELICA)
Source: Zamboanga del Norte Provincial News Network