Gidala ngadto sa mga komunidad sa Piñan ang nagkalain-laing serbisyo sa gobyerno pinaagi sa GC Services on Wheels nga gipahigayon niadtong Agosto 19, 2026, sa pakigtambayayong sa Provincial Team Kuyog Ta! ug sa Provincial Government of Zamboanga del Norte.
Lakip sa mga serbisyo nga gitanyag mao ang medical check-up, dental services, libreng vitamins, legal consultation, agricultural assistance ug National ID registration. Pinaagi niini, gihatagan og mas sayon nga access ang mga residente sa nagkalain-laing serbisyo nga ilang gikinahanglan.
Gipasiugda usab sa kalihukan ang pakigtambayayong sa lokal ug probinsyal nga pangagamhanan ilawom sa pagpangulo ni Governor Darel Dexter T. Uy aron mas mapaduol ang mga programa ug serbisyo sa gobyerno ngadto sa matag barangay.
Padayon ang paningkamot sa GC Services on Wheels ug Provincial Team Kuyog Ta! sa paghatag og serbisyo nga mas duol sa katawhan ug pagtubag sa ilang mga panginahanglan sa panglawas, panginabuhi ug uban pang serbisyo sa gobyerno.(JENIFFER JR. DELICA)
Source: Mayor Rommel Gudmalin