Nagtapok ang gatusan ka kabatan-onan ug young leaders sa Dipolog City Youth Assembly 2026 nga gipahigayon niadtong Mayo 28, 2026 sa D’ Food Hub and Events Center sa Dipolog Boulevard uban sa tema nga “Empowered Today, Leaders Tomorrow: Building Dipolog’s Future Together.”
Gipangulohan sa City Government of Dipolog pinaagi sa City Social Welfare and Development Office ug Pag-Asa Youth Association ang maong kalihokan diin mitambong usab si City Mayor Roberto Y. Uy ug naghatag og mensahe nga nagdasig sa kabatan-onan nga mahimong aktibong kauban sa community development ug nation-building.
Naghatag usab og mga lecture ug diskusyon ang mga resource speakers gikan sa City Social Welfare and Development Office, City Health Office, Zamboanga del Norte Police Provincial Office, Youth Development Offices, Sangguniang Kabataan Federation, ug religious sector bahin sa leadership, youth wellness, public safety, ug pagpalambo sa papel sa kabatan-onan sa komunidad.
Gipasiugda sa maong asembliya ang padayong commitment sa syudad sa Dipolog sa paghatag og mga programa nga makapalig-on sa liderato, kaalam, ug aktibong partisipasyon sa mga kabatan-onan alang sa mas lig-on nga kaugmaon sa syudad.(JENIFFER JR. DELICA)
Source: Dipolog City Government