Padayon ang gihimong 5-kilometrong farm-to-market road opening project sa Barangay Diwan, Dipolog City nga gilaumang makatabang sa pagpalambo sa transportasyon ug panginabuhi sa mga residente ilabina sa mga mag-uuma sa upland communities.
Gisusi mismo ni Dipolog City Mayor Roberto Y. Uy ang progreso sa proyekto niadtong Mayo 27 aron maseguro ang hustong implementasyon ug paspas nga pagpadayon sa road opening gikan sa Sitio Sibugay padulong sa Sitio Virginia.
Mikuyog usab sa inspeksyon ang mga opisyales gikan sa City Agriculture Office, City Planning and Development Office, CDRRMO, PEMO, ug uban pang departamento aron tan-awon ang kahimtang sa proyekto ug dugang nga kalamboan alang sa komunidad.
Gilauman nga makatabang ang maong farm-to-market road sa mas paspas nga pagbiyahe sa mga produkto ug serbisyo ngadto sa merkado nga magpalig-on sa ekonomiya ug panginabuhian sa mga upland barangays sa Dipolog City.(JENIFFER JR. DELICA)
Source: Dipolog City Government