Magpahigayon og “Lakbay Serbisyo sa Bagong Pilipinas” ang Philippine Veterans Affairs Office o PVAO Field Office-Pagadian dinhi sa Dipolog City karong Mayo 30, 2026 sa Museo Dipolog Ground Floor gikan alas 9:00 sa buntag hangtud alas 4:00 sa hapon.
Gipahigayon ang maong outreach program uban sa panagtambayayong sa City Government of Dipolog ug mga veterans organizations aron madala ang mga serbisyo sa gobyerno ngadto sa mga beterano ug ilang mga benepisyaryo sa syudad ug kasikbit nga mga lugar.
Lakip sa mga serbisyo nga ihatag atol sa kalihokan mao ang pag-update sa records, pag-isyu ug pag-renew sa identification cards ug uban pang mga transaksyon nga may kalabotan sa benepisyo ug kaayohan sa mga beterano.
Giawhag usab sa PVAO ang tanang beterano ug mga benepisyaryo sa Dipolog ug duol nga mga lugar nga motambong sa maong kalihokan aron mapahimuslan ang mga serbisyo nga direktang ihatag sa ahensya.(JENIFFER JR. DELICA)
Source: Dipolog City Government