Ang Youth for Environment in Schools Organization (YES-O) sa Manukan National High School, uban sa CENRO Manukan, nipahigayon ug tree-growing activity sa Libuton Cave Complex ug LGU Ecopark, kanhi dumpsite nga nahimo na nga Material Recovery Facility (MRF), sa miaging semana.
Ang maong aktibidad gitambongan sa mga graduating students sa tunghaan uban sa ilang class adviser, Maria Janina Asteria Tiu, ang Local Government Unit sa Manukan, pinaagi sa Municipal Tourism Office, mga sakop sa Philippine National Police (PNP), ug sa Barangay LGU.
Ang mga boluntaryo mitanom ug kinatibuk-ang 250 ka Narra (Pterocarpus indicus) seedlings.
Pinaagi niining tree-growing activity, ang YES-O sa Manukan National High School nagtumong sa pagsilsil sa mga graduating nga mga estudyante og pagbati sa responsibilidad ngadto sa kinaiyahan ug pagpalambo sa kultura sa environmental stewardship.
Pinaagi sa aktibong pag-apil sa mga may kalabutan nga mga inisyatibo, ang mga estudyante gidasig nga mahimong mga tigpasiugda alang sa pagkonserba sa kalikopan ug aktibo nga papel sa pagpanalipod ug pagpreserbar sa ilang palibot nga natural nga kahinguhaan.
(Source: DENR Zamboanga Peninsula Facebook page)