Puros naligo sa kaugalingon dugo ang inahan og anak human gipangpatay sa lalaki nga nagumon sa ginadiling drugas.
Ang krimin nahitabo pasado alas 4:00 kagahapon sa hapon, Hulyo 14, 2023, didto sa Sito Batarya, Barangay Ban-ban, lungsod sa Asturias, probinsya sa Sugbo.
Ang mga biktima moa sila si Artemio Himongala, 31 anyos ang panuigon, ulitawo ug ang inahan niini nga si Landria Himongala, 66 anyos ang panuigon, puros sila residenti sa naasoy nga lugar.
Naila usab ang suspetsado nga mao si Jeperson Ortellano, 30 anyos ang pangidaron, nagpuyo rapud sa maong lugar.
Sa inbestigasyon sa kapulisan sa Asturias Police Station nasayran nga nakit-an ang mga biktima nga adunay mga samad dinunggaban sa lawas na maoy hinungdan sa ilang kamatayon.
Segon usab sa saksi nga daling nisibat si Ortellano human niya nabuhat ang krimin palayo sa maong lugar apan nasikop kini pasado alas 7:00 sa gabii sa bukiran nga barangay sa maoy lungsod.
Segon sa kapulisan sa maong lungsod nga ang suspetsado kanhi drug surrenderee ug aduna nay deperensya sa pangisip gumikan sa paggamit sa ginadiling drugas.
Gituhu-an sa kapulisan nga gumikan sa wala na sa tarong nga pangisip maoy motibo sa pagpatay sa mga biktima. (Renante Lada)