Opisyal nga gisugdan sa mga kawani sa Department of Agrarian Reform sa Zambonga del Norte (DAR Zambonorte) ang pagsalmot sa selebrasyon alang sa mga kababayen-an nga mao ang “Women’s Month” nga gipahigayon niadtong Marso 7,2026.
Nagtipik kini sa usa ka Pagpasidungog sa Modernong Babaylan ,subay sa tema nga “We for Gender Equality and Inclusive Society: Lead like the Babaylans, Filipinas!” diin ang buhatan nagpasidungog sa kusog ug liderato sa repormang agraryo sa mga kababayen-an.
Isip pagpahinungod sa maong kasaulogan alang sa mga kababayen-an,ang mga kawani nagsul-ob ug usa ka vibrant purple ug nipahigayon ug banal misa nga gisundan sa usa ka dinamikong motorcade sa lungsod aron ipakita ang panaghiusa alang sa paghatag gahum sa kababayen-an.
Nahimong highlight sa kalihokan, ang paglusad sa Merkado Agraryo, diin gipakita niini ang mga preskong ani sa produktong ARBO gikan sa mga Agrarian Reform Beneficiaries.
Sa samang higayon, ang Provincial Agrarian Reform Program Officer II ( PARPO II)nga si Daisy Dell Suan Digamon mihatag sa iyang mahinungdanong mensahe diin iyang gipasidunggan ang kusog ug liderato sa kababayen-an nga Pilipino, pinaagi sa pag-awhag sa tanan nga magpadayon sa pagtukod og katilingban nga may pagtahod, paghatag gahum, ug inclusion niini.
Gihatagan niinig pasidungog ug commemorative fans ang mga elmpleyado nga misalmot sa selebrasyon sa Women’s Month isip usa ka pagpasalamat.(MEDALYN U. BORJA)
Source: DAR Zambonorte