Isip pagsiguro sa kaandam ang Director sa Philippine Army (9RCDG) 9th Regional Community Defense Group kauban ang usa ka team gikan sa 902nd Community Defense Center (902CDC), mibisita ngadto sa Reserve Officers’ Training Corps (ROTC) Unit sa Philippine Advent College Inc.(PACI) sa Brgy. Ramon Magsaysay, Sindangan, Zamboanga del Norte, niadtong Marso 6,2026.
Ang maong pagbisita pinangulohan ni COL MANDY T LIBERTINO ART (GSC) PA, Director, diin ang pagbisita nagsilbi nga oportunidad sa paghatag giya ug rekomendasyon sa kahanas ug disiplina sa militar sa mga kadete.
Tumong nga masuta ang kaandam sa pagbansay sa PACI ROTC Cadets ug Cadet Officers pinaagi sa inspeksyon nga nagtutok sa administratibong pagsunod, pagpatuman sa pagbansay, aron masiguro nga ang yunit magpadayon sa pagtagbo sa gikinahanglan nga mga sumbahanan.(MEDALYN U. BORJA)
Source: 902nd Community Defense Center Zamboanga del Norte