Sikop sa mga kapulisan ang usa ka lalaki nga wanted sa duha ka ihap sa kasong statutory rape sa gikasa nga joint law enforcement operation sa kapulisan didto sa Brgy. San Pedro, Dapitan City,Hunyo 18, 2025.
Ang dinakpan si Alyas Alex usa bayong nga nagpangidaron pa sa 19 anyos, ug lumulopyo sa Brgy. Ba-ao Dapitan City,
Ang suspetsado kinsa anaa sa listahan nga Top 4 most Wanted sa E-Warrant City Level.
Ang maong operasyon pinanguluhan sa mga personahe sa Dapitan City Police Station, inubanan sa 901st RMFB 9, ZN Police Intelligence Unit lakip usab ang mga enforcement unit dala ang warrant of arrest sa nahisgutang nga kaso nga gi issue sa 9th Judicial Region, Branch 4, Dapitan City, Zamboanga Del Norte,nga adunay pyansa nga gitanyag ang korte nga nagkantidad ug 200,000.00 matag ihap sa maong kaso.
Ang dinakpan gidala gilayon ngadto sa Dapitan City DSWD Office alang sa tukmang disposisyon tungod kay sa maong hitabo menor de edad pa ang maong suspek sa dihang gihimo niini ang maong pagpanglugos nga salaod.(Angelica T. Obina)
Source: Dapitan CPS