Balhog karon sa prisohan ang usa ka wanted person sa pagpayuhot sa ilegal na drugas atol sa gipatoman nga intelligence-driven operation sa mga personahe sa kapulisan mga alas 10:09 sa gabii niadtong Septiyembre 3, 2026,didto sa Barangay East Poblacion, Rizal, Zamboanga del Norte.
Ang maong dinakpan nga wanted person naila nga ka 61 anyos nga lalaki, nga nalista isip Other Wanted Person (OWP) kinsa gidakop pinaagi sa mga operatiba sa Rizal Municipal Police Station (Rizal MPS), isip lead unit, uban sa Zamboanga del Norte Provincial Office sa Philippine Drug Enforcement Agency (ZN PDEA),sa bisa sa Warrant of Arrest tungod sa paglapas sa Section 11, Article II sa Republic Act No. 9165 (Comprehensive Dangerous Drugs Act of 2002),nga gi-isyu sa Regional Trial Court, Branch 8, Dipolog City, Zamboanga del Norte, nga gipetsahan Mayo 7, 2026, nga adunay girekomendar nga piyansa nga 200,000.00 para sa temporaryong kagawasan.
Ang dinakpan gipahibalo sa hinungdan sa iyang pagkadakop ug mga katungod sa konstitusyon sa usa ka pinulongan ug diyalekto nga hingpit niyang nasabtan ug anaa na kini karon sa kustodiya sa Rizal MPS alang sa dokumentasyon ug hustong disposisyon.(MEDALYN U. BORJA)
Source: ZNPPO