Mobalor sa kapin P27,000 nga kantidad sa ilegal na drugas ang malampusong nakumpiska sa mga personahe sa kapulisan gikan sa usa ka drug suspek atol sa gikasa nga drug buy-bust operation mga alas 2:10 sa kaadlawon niadtong Septiyembre 4, 2026, didto sa Barangay Poblacion, Leon Postigo, Zamboanga del Norte.
Ang maong nakumpiska nga ilegal na drugas,nakuha gikan sa 36 anyos nga lalaking suspek, bag-ong nailhan nga drug personality,gikataho nga mutimbang sa gibana-bana nga 4 ka gramo nga adunay kantidad nga P27,200.
Ang pagkasakmit sa ilegal na drugas ug pagkadakop sa suspek gihimo pinaagi sa mga personahe sa Leon Postigo Municipal Police Station (Leon Postigo MPS), isip lead unit, uban sa Zamboanga del Norte Provincial Drug Enforcement Unit (ZNPDEU) ug sa 905th Regional Mobile Force Battalion 9 (905th RMFB 9) kalabot sa Strategic Anti-Criminality Law Enforcement Operation (SACLEO) uban sa koordinasyon sa Philippine Drug Enforcement Agency (PDEA).
Ang mga nakumpiskang ebidensya sa droga itugyan ngadto sa Zamboanga del Norte Provincial Forensic Unit alang sa laboratory examination, samtang ang nadakpang suspek anaa sa kustodiya sa Leon Postigo MPS alang sa hustong disposisyon ug angay nga legal nga proseso.(MEDALYN U. BORJA)
Source: ZNPPO