Wala na maka iskapo sa kamot sa mga tinugyanan sa balaod homan masikop ang Top 7 Most Wanted person sa kasong Statutory Acts of Lasciviousness atol sa gipahigayon nga intelligence-driven law enforcement operation nga may kalabotan sa usa ka Focused Police Operation mga alas 3:45 sa hapon niadtong Septiyembre 3, 2026, didto sa Ramos Village, Barangay Sta. Filomena, Dipolog City, Zamboanga del Norte.
Ang maong dinakpan nga wanted person naila nga usa ka 41-anyos nga lalaki, nga nalista isip Top 7 Most Wanted Person sa lebel sa probinsya,kinsa gidakop pinaagi sa mga personahe sa City Police Station (Dipolog CPS), isip lead unit, uban sa hugot nga koordinasyon sa Police Station 5 sa Lapu-Lapu City Police Office, sa bisa sa Warrant of Arrest tungod sa Statutory Acts of Lasciviousness ubos sa Article 336 sa Revised Penal Code, kalabot sa Section 5(B) sa Republic Act No. 7610 nga gi-isyu sa Regional Trial Court, 7th Judicial Region, Branch 70, Lapu-Lapu City, Cebu, nga gipetsahan Abril 16, 2026, nga adunay girekomendar nga piyansa nga 180,000.00.
Ang dinakpan kasamtangang anaa sa temporaryong kustodiya sa Dipolog CPS alang sa hustong disposisyon ug angay nga legal nga proseso.(MEDALYN U. BORJA)
Source:ZNPPO