Sikop ang usa ka wanted person sa kasong qualified theft atol sa gikasa nga joint operation sa mga tigpatuman sa balaod mga alas 11:20 ang takna sa buntag niadtong Marso 4, 2026, didto sa Purok 4, Barangay Uno, Katipunan, Zamboanga del Norte.
Naila ang maong dinakpan nga wanted person nga si alyas “Elvin” 30 anyos, lalaki, minyo, walay trabaho, ug residente sa samang lugar kinsa gidakop pinaagi sa mga personahe sa Dipolog City Police Station, uban sa Katipunan Municipal Police Station ug sa 1st Platoon, ZN 1st Provincial Mobile Force Company (PMFC).
Ang akusado gidakop pinasikad sa Warrant of Arrest alang sa Qualified Theft nga gi-docket ubos sa Criminal Case No. 28641, nga gi-isyu ni Hon. Felin Revelo Legara-Comidoy, Presiding Judge sa Regional Trial Court, 9th Judicial Region, Branch 8, Dipolog City, Zamboanga del Norte, nga gipetsahan og Pebrero 18, 2026, nga adunay piyansa nga Php 36,000.00 alang sa iyang temporaryong kagawasan.
Ang dinakpan anaa karon sa kustodiya sa Dipolog City Police Station alang sa tukmang disposisyon.(MEDALYN U. BORJA)
Source: ZNPPO