Gibalhog sa prisohan ang usa ka wanted person,homan kini masikop sa mga operatiba sa Dipolog City Police Station mga alas 10:00 sa buntag,Hulyo 16,2025,didto sa Barangay Sta. Isabel, dakbayan sa Dipolog.
Naila ang suspek nga si Andreo Gabutin Arnoco, 54-anyos, lalaki, minyo, negusyante, ug residente sa Purok Morning Star, Barangay Olingan, Dipolog kinsa gidakop tungod sa paglapas sa Social Security Act of 2018 (RA 11199).
Ang pagdakop gihimo pinasikad sa usa ka Warrant of Arrest nga giisyu ni Hon. Anabelle Abella Anggot-Obordo, Presiding Judge sa Regional Trial Court, Branch 7, Dipolog City, pinetsahan ug Hulyo 14, 2025, ubos sa Criminal Case No.28117 nga adunay piyansa nga girekomendar nga mobalor sa P72,000.00.
Detinado na karon ang dinakpan nga wanted person sa Dipolog City Police Station, samtang nagpaabot sa tukmang disposisyon ug legal nga proseso.(Medalyn U. Borja)
Source: ZNPPO