Dakpan sa Kapulisan ang usa ka 47 anyos nga lalaking nagpayuhot og Smuggled nga Segarilyo, atol sa gipahigayon nga Buy-bust Operation sa mga personahe sa CIDG Zamboanga Del Norte PFU, ubos sa koordinasyon sa Polanco Municipal Police Station, didto sa Sitio Conacon, sa Barangay Poblacion North Polanco, ning Probinsiya sa Zamboanga Del Norte, niadtong nakalabay’ng adlawa, Hulyo 15, 2025 sa may alas 12:30 sa tungang gabie.
Giila ang Suspetsado sa alyas nga Bikoy, 47 anyos nga Lalaking Lumolupyo sa Purok 4, Tapodoc, Labangan, Zamboanga Del Sur, diin ang nasangpit nga Suspetsado, positibong nakuhaan og mokabat sa 16 Ka Master sa nagkalain-laing Brand sa Smuggled nga Segarilyong, walay naka tatak nga Graphic Health Warnings nga maoy mandato sa atong Gobyerno.
Gibutyag usab niini ang kantidad sa mga nasakmit nga mga Segarilyo, nga giba-banang mokabat ngadto sa Php1,031,400.00 base sa Standard Price sa Bureau of Customs nga ana sa Php57,300 ang Presyo sa matag kahon niini.
Nakuha usab pagbalik sa maong Operasyon ang usa ka tibuok nga Lehitimong Php500.00 nga kwarta ug ang 29 Ka peraso nga Pekeng Php500.00 nga maoy gigamit isip boodle money. Gidala gilayon ngadto sa CIDG ZDN PFU ang dinakpan, lakip na niini ang mga nakumpiskang Smuggled nga segarilyo, alang na sa tukmang Disposasyon. (Julius Esmade)