Usa ka panagtigom ang gipasiugda sa buhatan sa Department of Tourism Region 9, didto sa Social Hall, nga nahimutang sa 2nd floor, City Hall Building, ning dakbayan sa Dipolog, niadtong Hulyo 17, 2025.
Ang maong panagtigom gihimo alang sa pagbinayloay ug idea ug ideya nila ni City Mayor Roberto Y. Uy ug Department of Tourism IX, Regional Director, Dara May L. Cataluña alang pagpangandam sa dakong kalihokan.
Atol sa tigom nitambong ang pipila sa mga opisyales sa dakbayan gikan sa nagkalain-laing buhatan nga gilangkuban nila ni Acting City Administrator, Atty. Valerie Hope J. Flores, City Tourism Officer, Cecil R. Bilog, City Agriculturist, Engr. Kerr N. Porlas, City Engineer, Engr. Susan B. Ualat ug CLGOO Sherrie Charlota N. Machutes sa DILG – Dipolog, mga personahe sa DOT ug uban sa ubang mga bisita.
Kini nga panagtigom nagtuki alang sa mga importanteng hilisgutanan kabahin sa pagpangandam sa umaabot nga “Mindanao Tourism Expo 2025” nga ipahigayon karong Agosto 22 – 24, 2025, dinhi sa dakbayan sa Dipolog.(Medalyn U. Borja)
Source: Dipolog City Government