Tingkagol sa presohan ang usa ka wanted person,homan masikop sa hiniusang operasyon sa mga sakop sa Roxas Municipal Police Station (MPS), 901st Mobile Company, Regional Mobile Force Battalion 9 (MC RMFB9), mga alas 5:14 ang takna sa kahapunon,Hunyo 16,2025 didto sa Purok 2, Barangay Langatian, Roxas, Zamboanga Del Norte.
Giila ang dinakpan nga si Nicole Lee Pondol Coronel, 20-anyos, ulitawo, walay trabaho, ug residente sa Barangay Salisig, Roxas, Zamboanga Del Norte,kinsa gi-aresto tungod sa kasong pagpangawat.
Ang pagka aresto sa suspek gihimo sa bisa sa warrant of arrests nga giisyu ni Hon. Kenneth Pamatong Rosal, Presiding Judge, Regional Trial Court (RTC), 9th Judicial Region, Dipolog City, Zamboanga del Norte, niadtong Abril 28, 2025, gumikan sa iyang kapakyas sa pag-atubang sa korte alang sa gikatakdang pagdungog bahin sa Criminal Case No. B-9441 tungod sa krimen nga Theft nga adunay piyansa nga girekomendar nga mobalor sa Php 3,000.00.
Ang dinakpan gipahibalo sa iyang konstitusyonal nga katungod ug anaa na karon ubos sa kustodiya sa Roxas MPS alang sa tukmang disposisyon.(Medalyn U. Borja)
Source: ZNPPO