Himas rehas karon sa prisuhan ang usa ka 46 anyos nga lalaki kinsa kalit lang kining nga nangluba sa usa ka tawo didto sa Brgy. Nipaan, lungsod sa Sindangan, Zamboanga Del Norte sa nakalabay nga adlaw.
Matud pa nga usa ka 58 anyos nga lalaki ang nagpakabana nga mitaho ngadto sa Sindangan MPS nga kalit lamang siyang giluba o gidunggab sa maong suspetsado.
Saysay sa maong biktima sa dihang naglakaw siya pauli sa iyang pinuy-anan kalit kining misyagit ang suspek ug nangutana kung asa ang tag-iya sa tindahan nga anaa sa duol ug gitubag kini sa biktima nga basin kini walay tawo ug sa paghuman niya ug pamulung padayon siya sa paglakaw padung sa iyang panimalay.
Adtong higayuna ang suspek ang misunod gilayon kaniya ug sa walay pag duhaduha kalit kining giluba ang biktima igo sa iyang wala nga bukton sa walay igong rason.
Pinaagi sa mga nakasaksi dali dayun nakapangayo ug respondi ug gipugngan nila ang maong suspek sa pagbuhat na usab ug dugang kadaut sa biktima.
Matud pa sa biktima human sa pagtaho niini sa kapulisan siya gidala gilayon sa Sindangan District Hospital para sa medikal nga atensyon.
Sa pagkakaron ang suspek ang giturnover gilayon kini sa mga nagpakabana nga lungsuranon ngadto sa mga personahe sa Sindangan MPS.(Angelica T. Obina)
Source:ZNPPO