Patay dihadiha dayun ang usa ka 7 anyos nga batang lalaki human naligsan ug Pick Up truck sa National Highway, Barangay Lingayon, Sibuco Zamboanga del Norte Hunyo 16, 2025
Ang biktima nailhan nga si alyas Rum, residente sa nasangpit nga lugar, matud pa sa mga nakasaksi naglakaw pa ang bata kilid sa kalsada ug sa dihang naligsan kini sa puti nga Pick-up truck nga walay plate number nga nakabutang.
Adtong higayuna daling mipasutoy ug sibat ang Driver sa nasangpit nga sakyanan samtang daling gidala ang biktima gi sa Labuan District Hospital sa Zamboanga City diin gideklarang kining Dead on arrival sa nag atiman nga doctor hinungdan sa grabeng naangkon nga kadaot sa ulo niini ug mga bun-og sa kalawasan.
Sa pagkakaron kamulo pa ang gihimong imbestigasyon sa mga kapulisan aron maila ang driver sa pick-up truck samtang nanawagan ang pamilya sa biktima sa mga naka saksi sa insidente nga mukig alayon sa mga kapolisan alang na hustisya nga maangkon sa kamatayon sa batang lalaki.(Angelica T. Obina)
Source Sibuco MPS