Sikop ang usa ka Wanted Person nga nag atubang sa kasong paglapas sa RA 7832, atol sa gihimo nga Law enforcement operation sa mga personahe sa kapulisan mga alas 9:00 ang takna sa buntag niadtong Disyembre 3, 2025,didto sa Purok Lawag, Barangay Galas, Dipolog City, Zamboanga del Norte.
Ang maong dinakpan nga wanted person naila nga si alyas “Rol” 59 anyos, lalaki, minyo,usa ka drayber, ug residente sa nasangpit nga lugar.
Ang pagkasikop sa suspek gihimo pinaagi sa mga personahe sa Dipolog City Police Station (CPS) pinasikad sa warrant of arrest tungod sa Paglapas sa Republic Act 7832, nga gi-docket ubos sa Criminal Case No. 28417, nga giisyu ni Hon. Jose Rene Gallemit Dondoyano, Presiding Judge sa Regional Trial Court, 9th Judicial Region, Branch 6, Dipolog City, pinetsahan og Disyembre 2, 2025 nga adunay girekomendar nga piyansa nga mobalor sa Php 72,000.00.
Ang suspetsado anaa na karon sa kustodiya sa Dipolog City Police Station alang sa tukmang dokumentasyon ug dugang legal nga disposisyon.(MEDALYN U. BORJA)
Source: ZNPPO