DAVAO CITY – Naghangyo karon si Jay Caren Bucol, igsuon ni Kap. Oscar “Dodong” Bucol Jr., sa tanan nga pahunongon na ang pagpakalat o pag mass-report sa mga hulagway ug video nga nagpakita sa kapitan human kini gipusil.
Sumala niya, kada makakita sila niini, samtang nagapadayon ang ilang kasubo, mas naglisod sila sa pagdawat sa nahitabo, ilabina ang mga anak sa kapitan nga na-trauma sa insidente.
Bisan pa sa kalisod, nagpasalamat ang pamilya Bucol sa tanang tawo nga nagpakita og suporta, simpatiya ug pag-uban kanila sa panahon sa ilang pagbangutan. Naglaum usab sila nga madangatan dayon ang hustisya alang sa pinaslang nga lider sa Barangay Tres de Mayo.(Camille Santos Naraga)(Source: Contributed)