Arestado ang usa ka 48 anyos nga babaye nga nag atubang sa kasong Grave Oral Defamation, atol sa gikasa nga hiniusang operasyon sa mga operatiba mga alas 10:06 ang takna sa buntag niadtong Disyembre 3, 2025,didto sa Barangay Dawo, Dapitan City, Zamboanga del Norte.
Naila ang maong dinakpan nga mao si alyas “Riz” 48 anyos, babaye, minyo, negusyante, ug residente sa Purok 1. Barangay Potol, Dapitan City, Zamboanga del Norte.
Ang pagkasikop gihimo pinaagi sa Warrant Server sa Dapitan City Police Station (CPS), inubanan sa mga personahe sa Mabuhay SBC, 5th SOU, 901st MC RMFB9, ug ZN 1st PMFC, pinaagi sa bisa sa warrant of arrest tungod sa Grave Oral Defamation, nga gi-docket ubos sa Criminal Case No. 20976, nga gi-isyu ni Hon. Hilarion Jonathan Garcia Maagad, Presiding Judge sa MTCC, 9th Judicial Region, Dapitan City, pinetsahan og Disyembre 2, 2025, nga adunay girekomendar nga pyansa nga mobalor sa Php 6,000.00.
Ang suspek gipahibalo sa hinungdan sa iyang pagdakop ug katungod sa konstitusyon sa usa ka diyalekto nga hingpit niyang nasabtan ug anaa kini karon gi kustodiya sa Dapitan City Police Station alang sa tukmang dokumentasyon ug dugang legal nga disposisyon.(MEDALYN U. BORJA)
Source: ZNPPO